عامې روغتیا وزارت له لوري د نشه يي توکو پر وړاندې د مبارزې نړیواله ورځ ونمانځل شوه
![MOPH](/sites/default/files/2024-06/whatsapp_image_2024-06-26_at_14.23.12_c04b3f4b.jpg)
په یادو مراسمو کې چې د عامې روغتیا وزارت د روغتیايي خدماتو وړاندې کولو مرستیال ښاغلي مولوي عبدالولي حقاني ، د کورنیو او بهرنیو اداراتو استازو ، د عامې روغتیا وزارت رئیسانو او د کورنیو چارو وزارت د نشه يي توکو سره د مبارزې معینیت استازو شتون درلود په ګډه د نشه يي توکو پر وړاندې د مبارزې او همغږۍ تعهد څرګند کړ.
د عامې روغتیا وزارت د روغتیايي خدماتو وړاندې کولو مرستیال ښاغلي حقاني د معتادینو د درملنې په خاطر د هیواد په بیلا بیلو برخو کې د ځانګړو شویو ۶۱ فعالو روغتیايي مراکزو اړوند معلومات وړاندې کړل چې په تیرو دوه کالو کې د نږدې ۵۵ زره تنه معتادینو درملنه په یادو روغتونو کې تر سره شوې ده.
په یادو درملنه شویو اشخاصو کې کوچنیان ، نوي ځوانان ، لویان او ښځینه شامل دي چې لا هم زرګونه یې تر تداوۍ لاندې دي.
ښاغلي مرستیال د معتادینو د درملنې اړوند د نړیوالو اداراتو همکاري اړینه وبلله او په دې اړوند یې د لا همکارۍ لپاره پر نړیوالو ادارتو د همکارۍ غږ وکړ!
هیره دې نه وي چې په هیواد کې د معتادینو د درملنې ملي برنامې په توسط سږ کال نږدې اته سوه زره هیوادوالو ته د نشه يي توکو څخه د ځان ساتنې اړوند معلومات رسول شوي ، په کورونو او روغتونو کې د معتادینو د درملنې برنامې جریان لري او نږدې د ۲۶۰۰ تنه روغتیايي پرسونل یې خدماتو ته ځانګړی شوی دی.