ننګرهار او هلمند ولایتونو له یو شمېر روغتیایي مرکزونو او د خوراکي توکو پلورنځیو څخه نظارت ترسره شو

یاد نظارت د څارنې او پلټنې مسؤلینو له لوري ترسره شو، چې پایله کې یې ننګرهار ولایت کې درې لابراتوارونه، څلور روغتیایي کتنځايونه، دوه الټراساونډ خونې او درې د غاښونو کلینیکونه له روغتیایي قوانینو څخه د سرغړونې او خپل سري فعالیتونو له امله وتړل شول.

دغه راز، هلمند ولایت کې ۲۰ قلمه له نېټې تېر درمل، ۳۰ قلمه له نېټې تېر خوراکي توکي او ۷ بوتله او ۵  کڅوړې له نېټې تېر پروټیني مواد، چې ټول ۱۵ کارټنه کېږي، راټول او د له منځه وړلو په موخه مرکزي ګدام ته ولېږدول شول.

په دغه نظارت کې اړوندو مسؤلینو ته لازمې لارښوونې او سپارښتنې وشوې، چې د عامې روغتیا وزارت پالیسۍ سره سم فعالیتونه تر سره او خلکو ته معیاري خدمات وړاندې کړي.