نښتر د پښتورګو درملنې ملي روغتون څخه د عامې روغتیا وزیر لیدنه
د ا.ا.ا د عامې روغتیا وزیر، ښاغلي مولوي نور جلال جلالي او مل پلاوي ننګرهار ته د سفر پر مهال دې ولایت کې نښتر د پښتورګو درملنې ملي روغتون څخه لیدنه وکړه.
په یاده لیدنه کې د عامې روغتیا وزارت د مقام د دفتر لوی رئیس شیخ محمد طاهر حلیم، د ننګرهار عامې روغتیا رئیس مولوي آمین الله شریف، د وزارت مرکزي رئیسانو، ولایتي مسئولینو او روغتیاپالانو ګډون کړی و
د عامې روغتیا وزیر، نښتر د پښتورګو درملنې ملي روغتون بېلا بېلې څانګې ولیدې، ستونزې یې په نښه او د حل په موخه یې مسئولینو سره شریکې کړې.
ښاغلي وزیر دغه راز، مسئولینو ته د یاد روغتون د خدمتونو ښه والي په موخه سپارښتنې ترسره او شریکو شویو وړاندیزونو ته یې د رسېدنې ډاډ ورکړ.
