په ۲۰۲۴ زیږدیز کال کې په افغانستان کې د پولیو (ګوزڼ) هېڅ مثبته پېښه نده ثبت شوې

rasooli_admin
دوشنبه ۱۴۰۲/۱۱/۹ - ۹:۸
jj

د افغانستان اسلامي امارت د عامې روغتیا وزیر، ښاغلي ډاکټر قلندر عباد نن یکشنبه د رجب المرجب میاشتې ۱۶مه نېټه د یو خبرې کنفرانس په ترڅ کې د پاکستان هېواد د  «ان آی اچ» ادارې له لوري په کونړ ولایت کې د یوې لس کلنې ماشومې د پولیو (ګوزن) ناروغۍ د اخته کېدو په تړاو خپور شوی خبر رد او په دې اړه خپرې شوې ویناوې یې بې بنسټه او غیر مسئولانه وګڼلې.

د عامې روغتیا وزیر، ښاغلي ډاکټر قلندر عباد وویل، د عامې روغتیا وزارت د څېړنو پر بنسټ دغه ماشومه په نیورولوژي (یو ډول مغزي ناروغي ده) اخته ده، د وجود یوه برخه یې فعالیت نه لري او د پولیو هېڅ ډول نښې نښانې یې په وجود کې شتون نه لري.

د عامې روغتیا وزیر، ښاغلي ډاکټر قلندر عباد په دې اړه خپور شوی خبر له حقیقت لېرې وګاڼه او و یې ویل چې د دې ماشومې په اړه د یادې ادارې ویناوې غیر مسئولانه دي.

ښاغلي وزیر زیاته کړه، چې د افغانستان اسلامي امارت په هېواد کې د پولیو له منځه وړلو ته ژمن دی او په تېرو دوو کلونو کې د عامې روغتیا وزارت په دې برخه کې ډېرې لاسته راوړنې لرلې دي.

ښاغلي وزیر همداراز په افغانستان کې د پولیو د تشخیص د لابراتوار د جوړېدو په اړه معلومات وړاندې کړل او و یې ویل، چې د لومړي ځل لپاره په افغانستان کې د پولیو د تشخیص لابراتوار جوړ او په نیږدې کې به یې پرانیسته ترسره شي او وروسته له دې به د پولیو پېښې په کور دننه تشخیص شي.

تازه خبرونه

یکشنبه ۱۴۰۵/۹/۱ - ۹:۴۶
Background image

د عامې روغتیا وزیر، ښاغلي مولوي نور جلال جلالي په خپل کاري دفتر کې د غور او بلخ ولایتونو د عامې روغتیا له رئیسانو سره لیدنه وکړه

په دې لیدنه کې د یادو ولایتونو د روغتیايي خدمتونو د شته وضعیت، موجودو ستونزو حل، د روغتیايي خدمتونو کیفیت لوړولو او پراختیا په اړه بحث او خبرې وشوې.

د غور د عامې روغتیا رئیس، مولوي. . .

یکشنبه ۱۴۰۵/۹/۱ - ۹:۴۰
Background image

د افغانستان ا.ا. د عامې روغتیا وزیر، ښاغلي مولوي نور جلال جلالي په خپل کاري دفتر کې د فراه له والي، ملا محمد حافظ مجاهد سره لیدنه وکړه

په دې لیدنه کې په فراه ولایت کې د روغتیايي خدمتونو پر پراختیا، خلکو ته د لا غوره روغتیايي خدمتونو وړاندې کولو او د شته ستونزو د حل په اړه خبرې وشوې.

د فراه والي د عامې روغتیا وزارت له. . .

BACK TO NEWS