کونړ او هلمند ولایتونو کې واکسیناتورانو ته ۴۵ عرادې موټر سایکلونه ورکړل شو
د یادو موټر سایکلونو له ډلې ۱۵ عرادې د یونیسیف ادارې له لوري د کونړ د عامې روغتیا ریاست ته او ۴۵ عرادې د افغان روغتیایي او پرمختیایي خدمتونو مؤسسې له لورې د هلمند د عامې روغتیا ریاست ته وسپارل شو، چې په لرې پرتو سیمو کې به د واکسیناسیون ټیمونو او روغتیایي کارکوونکو د تګ راتګ اسانتیا لپاره ترې کار اخیستل کېږي.
د یادو موټرسایکلونو د سپارلو مراسمو کې د کونړ د عامې روغتیا رئیس، قاري مظفر خان مخلص د یونیسیف ادارې څخه د یادې مرستې په موخه مننه وکړه او له ټولو واکسیناتورانو یې وغوښتل، چې سپارل شوي مسؤلیتونه په صادقانه توګه تر سره او له دې وسایطو څخه په ښه توګه ساتنه وکړي.
دغه راز د هلمند د عامې روغتیا مرستیال، ډاکټر نقیب الله فاتح هم ټولو واکسیناتورانو ته وویل: په هغه سیمو کې خدمات وړاندې کړئ، چې له روغتیايي مرکزونو څخه لرې وي؛ تر څو ټول هېوادوال له روغتیايي خدمتونو او اسانتیاوو برخمن اوسي.
