د فراه ولایت د عامې روغتیا ریاست له لوري د روغتیايي او خوراکي مرکزونو څارنه؛ یو درملتون او روغتیايي کتنځی تړل شوي
د فراه عامې روغتیا ریاست د څارنې او پلټنې آمریت ټیم په دغه ولایت کې له یو شمېر خصوصي روغتیايي مرکزونو، درملتونونو، روغتيايي کتنځيو او د خوراکي توکو د وړاندې کولو او تولید مرکزونو څخه نظارتونه ترسره کړل
د دې نظارتونو په ترڅ کې ۳۷ روغتيايي کتنځي، درملتونونه، خصوصي روغتیايي کلینیکونه او ۱۷ د خوراکي توکو توليدي شرکتونه، عمده او پرچون پلورنځي وپلټل شول، چې په پایله کې يې د روغتیايي اصولو او مقرراتو د نه مراعاتولو له امله یو درملتون او یو روغتيايي کتنځی مهر لاک شول او ۱۳۰ کیلوګرامه له نېټې تېر خوراکي توکي او درمل راټول او د له منځه وړلو په موخه ټاکل شوي ځای ته ولېږدول شول.
