د عامې روغتيا وزارت له لوري د ناروغانو خونديتوب او ورته د غوره پاملرنې په موخه د عامه پوهاوي غونډه ترسره شوه

rasooli_admin
یکشنبه ۱۴۰۵/۶/۲۹ - ۱۴:۱۳
moph

په دې غونډه کې د عامې روغتيا وزارت د روغتيايي خدمتونو وړاندې کولو مرستیال ښاغلي مولوي عبدالولي حقاني، يو شمېر مرکزي رئیسانو، د مرکزي روغتونونو مسؤلینو، د روغتیا نړیوال سازمان او رسنيو استازو ګډون کړی و، د روغتيايي خدمتونو وړاندې کولو مرستیال وویل، د ناروغ خونديتوب د باکيفيته روغتيايي خدمتونو له اساسي برخو څخه دی او په دې برخه کې پر وخت تشخيص، لازمه درملنه او معياري روغتيايي چاپيريال اړين دی.

همدارنګه، ښاغلي مرستیال وویل، د ناروغانو خونديتوب یوازې د روغتیايي کارکوونکو مسؤلیت نه دی، بلکې د اړوندو ملي او نړیوالو ادارو، سازمانونو، روغتیايي کارکوونکو، ټولنې، کورنیو او ناروغانو ګډ مسؤلیت دی او زياته يې کړه، يو منظم او پياوړی روغتيايي سيستم، ژمن ډاکټر او باخبره ناروغ، د ناروغ د خونديتوب درې اساسي ټکي دي.

دغه راز، د عامې روغتيا وزارت د معالجوي طب لوی رئیس، ډاکټر وحدت الکوزي وویل، د ناروغانو د خونديتوب او غوره درملنې لپاره معیاري تشخیص، د درملنې پر مهال د احتمالي زیانونو مخنیوی او د ټاکل شوي دوز پر بنسټ د درملو تطبیق اړین دی.

ورته مهال، د عامې روغتیا وزارت د غیرساري ناروغیو د وقایې او کنټرول مسؤل، ډاکټر محمد سمیع کریمي او د روغتیا نړیوال سازمان استازي هم د غیرساري ناروغیو مخنیوي‌ او د ناروغانو د خونديتوب په اړه ویناوې ترسره کړې.

تازه خبرونه

سه‌شنبه ۱۴۰۵/۸/۲۶ - ۱۴:۴
Background image

په لښکرګاه ښار کې د مالګې د پروسس او بسته‌ بندۍ درې تولیدي شرکتونه وتړل شول

د هلمند ولایت د عامې روغتیا ریاست د غذایي چارو مدیریت د څارنې ټیم له لوري د لښکرګاه ښار په بېلا بېلو سیمو کې د مالګې د پروسس او بسته‌ بندۍ درې تولیدي شرکتونه د روغتیايي او حفظ‌الصحې. . .

دوشنبه ۱۴۰۵/۸/۲۵ - ۱۵:۳۲
Background image

د افغانستان ا.ا. د عامې روغتیا وزارت له لوري د شکرې ناروغۍ په اړه د عامه پوهاوي غونډه تر سره شوه

په دې غونډه کې د عامې روغتیا وزارت د روغتیايي خدمتونو وړاندې کولو مرستیال ښاغلي مولوي عبدالولي حقاني، د مالي او اداري چارو مرستیال ښاغلي قاري عبدالولي صدیقي، د مقام د دفتر لوی رئیس،. . .

دوشنبه ۱۴۰۵/۸/۲۵ - ۱۴:۴۶
Background image

د عامې روغتیا وزیر د ازبکستان د روغتیا وزارت د درمل جوړونې صنعت د پراختیا ادارې له مرستیال رئیس سره لیدنه وکړه

د افغانستان ا.ا. د عامې روغتیا وزیر، ښاغلي مولوي نور جلال جلالي د ازبکستان هېواد د روغتیا وزارت د درمل جوړونې صنعت د پراختیا ادارې له مرستیال رئیس، ښاغلي ظفربېک قاسموف او مل پلاوي سره. . .

BACK TO NEWS