په ۱۲ ولایتونو کې د درملو د راپور ورکولو فورم د تشریح روزنیز پروګرام پیل شو

rasooli_admin
دوشنبه ۱۴۰۵/۸/۴ - ۱۵:۴۶
MOPH

په دې درې ورځني روزنيز پروګرام کې د عامې روغتیا وزارت د څارنې او پلټنې لوی رئیس، مفتي عبدالقدوس هاشمي د روغتیايي معلوماتو پر کره‌ والي او روڼتیا او د روغتیايي خدمتونو د کیفیت پر لوړولو ټینګار وکړ.

نوموړي وویل: د روغتیايي خدمتونو ښه‌ والي او د درملو اړوندو معلوماتو د راپور ورکولو په بهیر کې د روڼتیا تأمین لپاره د اړوندو ادارو، تخنیکي ټیمونو او تطبیق کوونکو مؤسسو ترمنځ همکاري او همغږي اړینه ده.

یاد فورم د عامې روغتیا وزارت د روغتیايي معلوماتو د مدیریت آمریت (HMIS)، یونیسف ادارې، د تطبیق کوونکو مؤسسو استازو او تخنیکي همکارانو په ګډه همکارۍ چمتو شوی، چې موخه یې د درملو اړوندو معلوماتو د راپور ورکولو بهیر معیاري کول او پیاوړي کول دي.

د یاد فورم د ښه تشریح او تطبیق په موخه د هېواد په ۱۲ ولایتونو کې د عامې روغتیا ریاستونو د روغتیايي معلوماتو مدیریت (HMIS) او فارمسي برخو مسؤلینو او د تطبیق کوونکو مؤسسو استازو ته په دوو جلا روزنیزو ټولګیو کې درې ورځنی روزنیز پروګرام پیل شوی دی.

ټاکل شوې ده، چې یاد فورم په راتلونکي کې په نورو ولایتونو کې هم تطبیق شي.

تازه خبرونه

سه‌شنبه ۱۴۰۵/۸/۲۶ - ۱۴:۴
Background image

په لښکرګاه ښار کې د مالګې د پروسس او بسته‌ بندۍ درې تولیدي شرکتونه وتړل شول

د هلمند ولایت د عامې روغتیا ریاست د غذایي چارو مدیریت د څارنې ټیم له لوري د لښکرګاه ښار په بېلا بېلو سیمو کې د مالګې د پروسس او بسته‌ بندۍ درې تولیدي شرکتونه د روغتیايي او حفظ‌الصحې. . .

دوشنبه ۱۴۰۵/۸/۲۵ - ۱۵:۳۲
Background image

د افغانستان ا.ا. د عامې روغتیا وزارت له لوري د شکرې ناروغۍ په اړه د عامه پوهاوي غونډه تر سره شوه

په دې غونډه کې د عامې روغتیا وزارت د روغتیايي خدمتونو وړاندې کولو مرستیال ښاغلي مولوي عبدالولي حقاني، د مالي او اداري چارو مرستیال ښاغلي قاري عبدالولي صدیقي، د مقام د دفتر لوی رئیس،. . .

دوشنبه ۱۴۰۵/۸/۲۵ - ۱۴:۴۶
Background image

د عامې روغتیا وزیر د ازبکستان د روغتیا وزارت د درمل جوړونې صنعت د پراختیا ادارې له مرستیال رئیس سره لیدنه وکړه

د افغانستان ا.ا. د عامې روغتیا وزیر، ښاغلي مولوي نور جلال جلالي د ازبکستان هېواد د روغتیا وزارت د درمل جوړونې صنعت د پراختیا ادارې له مرستیال رئیس، ښاغلي ظفربېک قاسموف او مل پلاوي سره. . .

BACK TO NEWS