د افغانستان اسلامي د عامې روغتيا وزير ښاغلي ډاکټر قلندر عباد په قطر هيواد کې د هالينډ هيواد له شارژدافیر او نوموړي هیواد د همکاریو د سازمان د مسؤولې سره ليدنه تر سره کړه
په دې لیدنه کې د روغتیا په برخه کې د دوه اړخیزه همکاریو، د دوامدار او پر ځان بسیا روغتیایي سیستم پر اړتیا، د ریښتينو روغتیایي معلوماتو او روغتیایي لومړیتوبونو اړوند د پوهیدلو او اغیزمنو روغتیایي پروژو د ډیزاین لپاره د روغتیا وزارت مستقیم تعامل او اوږد مهاله همکاریو باندې بحث تر سره شو.
ښاغلي وزیر همداراز يادونه وکړه افغانستان خوشبختانه اوس د وړاندې په نسبت د بې سياله امنیت څخه برخمن دی ، امنيت يې د ډاډ وړ دی نو اوس ښه وخت را رسيدلی چې افغانانو ته د روغتیا په برخه کې لا زیات او معياري خدمات وړاندې شي.
