د عامې روغتیا وزیر، ښاغلي مولوي نور جلال جلالي لوګر ولایت ته د سفر په ترڅ کې د نایب امین الله خان روغتون څخه لیدنه ترسره کړه
په دې لیدنه کې د عامې روغتیا وزیر د روغتیايي خدمتونو د بهیر څخه د لېدنې سربېره په دې روغتون کې د جدي پاملرنې څانګې د جوړېدو له چارو هم لیدنه وکړه، چې په نږدې راتلونکي کې به یې د جوړېدو چارې بشپړې او ګټې اخیستنې ته به وسپارل شي.
نوموړي همداراز د یاد روغتون له مسؤلینو سره په دې روغتون کې د یو شمېر نورو روغتیايي برخو پر پراختیا هم بحث او خبرې ترسره او دې برخې ته یې د بشپړې پاملرنې ډاډ څرګند کړ.
