ډاکټر فقیر محمد زیار د عامې روغتیا وزارت اړوند د طبي شورا د لوی رئیس په توګه دنده پیل کړه
په همدې موخه جوړه شوې ناسته کې چې د عامې روغتیا وزیر، ښاغلي مولوي نور جلال جلالي، د مالي او اداري چارو مرستیال ښاغلي مولوي محمد اسحق صاحبزاده او د وزارت مرکزي رئیسانو شتون درلود ، د عامې روغتیا وزیر، ښاغلي مولوي نور جلال جلالي په امارتي ادارو کې تغیر، تبدیل او له احکامو پیروی د اسلامي نظام اصل یاد کړ او د اسلامي امارت د رهبرۍ د لزوم دید او د ریاست الوزراء عالي مقام د حکم له مخې یې ډاکټر فقیر محمد زیار د عامې روغتیا وزارت اړوند، طبي شورا د رئیس په توګه معرفي کړ.
ښاغلي وزیر، نوی ګمارل شوی رئیس یو ریښتینی، باتجربه او په چارو پوه کس وباله او د مبارکۍ ویلو سربېره یې نوموړي ته د الله تعالی له دربار څخه په چارو کې د بریالیتوب غوښتنه وکړه.
د طبي شورا نوي ګمارل شوي رئیس د خپلې وینا په ترڅ کې په اړونده برخه کې په ریښتیني توګه د خدمت کولو او دې برخې ته د بشپړې پاملرنې تعهد څرګند او د رهبرۍ له باور یې مننه وکړه.
