د ا.ا.ا. د عامې روغتیا وزارت نظارتي ټیم د هلمند بُست ولایتي روغتون او د دې ولایت له یو شمېر نورو روغتیايي مرکزونو له خدمتونو څخه نظارت ترسره کړ
یاد نظارت چې د یو ځانګړي تخنیکي ټیم له لوري د شپې ناوخته ترسره شو، د ولایتي روغتون له ټولو څانګو څخه په کې کتنه وشوه، ستونزې یې یاداشت او مسؤلینو ته یې لازمې سپارښتنې وشوې.
د یادونې وړ ده، چې د عامې روغتیا وزارت رهبرۍ په ځانګړې سپارښتنه په دا وروستیو کې د هېواد په بېلا بېلو ولایتونو کې د نظارت پروسه دوام لري، چې موخه یې د روغتیايي خدماتو ستونزې په نښه کول او د روغتیايي سیستم د ښه والي لپاره هڅې ترسره کول دي؛ ترڅو ټولو ناروغانو ته معیاري خدمتونه وړاندې شي.
