د پولیو له منځه وړلو ملي بېړني عملیاتي مرکز او ګیټس بنسټ تر منځ د همغږۍ ناسته ترسره شوه
د پولیو له منځه وړلو ملي بېړني عملیاتي مرکز رییس الحاج ډاکټر عبدالقدوس بریالي د ګیټس بنسټ د پولیو برخې له مرستیال مایکل ګالوې سره په خپل دفتر کې ناسته تر سره کړه، چې په کې د پولیو واکسین روانو کمپاینونو او اړوندو ستراتېژیو موضوعاتو په اړه بحث وشو.
په یاده ناسته کې دواړو خواوو ژمنه وکړه، چې د ۲۰۲۵ میلادي کال تر پایه به د پولیو (ګوزڼ) له منځه وړلو هدف ته ورسېږي.
دغه راز مسؤلینو زیاته کړه چې له پولیو سره په نړۍواله مبارزه کې دا یو مهم ګام دی او موږ ویاړو چې د دغه ماموریت برخه یو.
