د عامې روغتیا وزارت مالي او اداري چارو مرستیال، ښاغلي ملا بخت الرحمن شرافت له لوري د پوهنې وزارت سره د سواد زده کړې کچې لوړولو په موخه د ګډو همکاریو هوکړه لیک لاسلیک شو
په همدې موخه جوړو شویو مراسمو کې د پوهنې وزارت د ښوونې او روزنې مرستیال الحاج مولوي سخاءالله سعید، د کیفیت تضمین مرستیال الحاج مولوي عبدالخالق صادق او د یو شمېر نورو وزارتونو مرستیالانو ګډون کړی و.
یاد هوکړه لیک په ادارو کې د نالوستو کسانو لپاره د سواد زده کړې کچې لوړولو په موخه لاسلیک شو، چې له مخې به یې نالوستې کسان د علم او پوهې له رڼا څخه برخمن شي.
د یادولو وړ ده، چې په دې مراسمو کې د ۲۵ بېلا بېلو وزارتونو او ادارو استازو ګډون کړی و، چې ټولو سره په ادارو کې د نالوستو کسانو لپاره د سواد زده کړې کچې لوړولو تړونونه لاسلیک شول.
