د (۱۹.۵) میلیونه افغانیو په لګښت د زابل ولایتي روغتون د نوې ودانۍ پاتې چارې بشپړې او ګټې اخیستنې ته وسپارل شو
په همدې موخه جوړو شویو مراسموکې د عامې روغتیا وزارت د مالي او اداري چاور مرستیال، ښاغلي ملا بخت الرحمن شرافت، د یاد روغتون مسؤلینو او روغتیايي کارکوونکو ګډون کړی و.
د مالي او اداري چارو مرستیال، ښاغلي ملا بخت الرحمن شرافت وویل، د یاد روغتون پاتې چارې د عامې روغتیا وزارت له لوري د ۱۹.۵ میلیونه افغانیو په لګښت د دوه میاشتو په موده کې بشپړې او ګټې اخیستنې ته وسپارل شو.
ښاغلي مرستیال دغه راز زیاته کړه، د عامې روغتیا وزارت ژمن دی، چې د هېواد ټولو برخو ته معیاري او عادلانه روغتیايي خدمات ورسوي.
