د پکتیکا ولایت د عامې روغتیا ریاست په انګړ کې د څه باندې شپږ میلیونه افغانیو په لګښت د یو جوړ شوي جامع مسجد پرانیست غونډه ترسره شوه
دغه جامع مسجد د یو سوداګر په شخصي لګښت جوړ شوی او په یوه وخت کې د شاوخوا پنځه سوه کسانو ظرفیت لري، چې پرانیست غونډه کې د پکتیکا والي، د عامې روغتیا وزارت استازو، بېلابېلو دولتي مسؤلینو، د مؤسسو استازو، قومي مخورو او یو شمېر ځوانانو ګډون کړی و.
د پکتیکا والي جوړ شوی مسجد د دغه ولایت د ولسونو لپاره نېک ګام یاد کړ او له سوداګر څخه یې د مننې تر څنګ د عامې روغتیا ریاست مسؤلینو ته سپارښتنه وکړه، چې د یاد جامع مسجد سمه او لازمه ساتنه وکړي.
