د عامې روغتیا وزارت د ولایتونو د همغږۍ ریاست له لورې د پروان، کاپیسا، غزني، کابل، پنجشیر، بامیان او دایکندي ولایتونو د عامې روغتیا له مسؤلینو سره انلاین ناسته ترسره شوه
په دغه ناسته کې د عامې روغتیا وزارت د ولایتونو د همغږۍ رئیس، ډاکټر فضل الهي "عليزی" اړوندو مسؤلینو او د ولایتونو د عامې روغتیا مسؤلینو ګډون کړی ؤ، په کې د لا زیاتې همغږۍ، د خدماتو ښه والي، په ولایتونو کې د وړاندې کېدونکو خدمتونو د راپور ورکولو او شته ستونزو د حل په اړه خبرې وشوې، چې په کې د ولایتونو د عامې روغتیا مسؤلینو خپلې ستونزې او د خدماتو اړوند معلومات د ولایتونو د همغږۍ ریاست سره شریک کړل.
د ولایتونو د همغږۍ رئیس وویل، ولایتي مسؤلین باید په منظم شکل میاشت کې یو ځل انلاین ناسته د ولایتونو د همغږۍ ریاست سره وکړي او خپل فعالیتونه دې لا تقویه او مسؤلیتو ته دې لا زیاته پاملرنه وکړي؛ تر څو هېوادوالو ته غوره روغتیایي خدمات وړاندې شي.
