د اکمال تخصص لوی ریاست عملیاتي ریاست د شهید سردار محمد داود خان تخصصي روغتون کې د اکمال تخصص برنامې څخه نظارت تر سره کړ

د دې نظارت موخه د اکمال تخصص برنامې معیاري کول دي؛ ترڅو په تخصصي روغتونونو کې د اکمال تخصص عملیاتي ریاست د چمتو شوي چک لیست سره سم د موضوعاتو اهمیت او د نصاب پلي کولو ته ( Logbook، bedside teaching ،Morning report، Morning visit، Case presentation، ) د استادانو لکچرونو، د استادانو او ټرینیانو کنفرانسونو، د عملي پروسیجرونو پلي کولو او د تخصص پروګرام نورو اړوندو موضوعاتو ته جدي پاملرنه وشي.

د یادونې وړ ده، چې د نظارت دا لړۍ به د شهید سردار محمد داود خان روغتون کې د څلورو ورځو لپاره دوام وکړي او دا پروسه د مرکز او ولایتونو په ټولو تخصصي روغتونونو کې هم د پلي کېدو وړ ده.