د عامې روغتیا وزارت د روغتیایي خدمتونو وړاندې کولو مرستیال، ښاغلي مولوي عبدالولي حقاني او مل پلاوي هلمند ولایت ته د سفر په ترڅ کې بُست ولایتي روغتون څخه نظارت ترسر کړ
په دغه نظارت کې د روغتیایي خدمتونو وړاندې کولو مرستیال، ښاغلي مولوي عبدالولي حقاني د یاد روغتون له بېلا بېلو څانګو څخه لیدنه وکړه، د ناروغانو احوال یې واخیست، د هغوی د روغتیا هیله یې څرګنده او د شته ستونزو د حل په موخه یې اړوندو مسؤلینو ته لازمې سپارښتنې وکړې.
دغه راز، ښاغلي مرستیال د روغتیایي کارکوونکو هڅې وستایلې او هغوی یې لا غوره خدماتو وړاندې کولو ته وهڅول؛ ترڅو د خدماتو کیفیت لوړ او د ناروغانو ستونزو ته پر وخت رسېدنه وشي.
