د څه باندې ۴٫۵ ميليونه افغانيو په لګښت د پنجشیر ولایت په ۲۸ روغتیايي مرکزونو کې د لمریزې برېښنا سیستم د نصب چارې پیل شوې
د دې پروژې په تطبیق سره به د پنجشیر ولایت روغتیايي مرکزونه ۲۴ ساعته برېښنا ته لاسرسی پیدا کړي.
په دې سیستم کې د هر روغتیايي مرکز لپاره د برېښنا د تولید ظرفیت د هغه د اړتیا له مخې، د ۵ څخه تر ۱۰ کیلوواټو پورې په پام کې نیول شوی، چې دا به د روغتیايي خدمتونو په ښه والي کې مهم رول ولوبوي.
د یادې پروژې تطبیق د روغتیايي سکتور پلي کوونکې مؤسسې (MOVE) له لوري ترسره کېږي، چې له چارو یې د پنجشیر ولایت د عامې روغتیا او اقتصاد ریاستونه څارنه کوي.
