د غزني ولایت سیمه ییز تخصصي روغتون سره د شاوخوا ۴۰ زره امریکايي ډالرو په ارزښت د ۲۶۵ کیلو واټه په ظرفیت د یو پایه برېښنايي ماشین مرسته وشوه
دغه ماشین له اړوندو تخنیکي تجهیزاتو سره د غزني عامې روغتیا ریاست د پرله پسې هلو ځلو او همغږۍ په پایله کې د بې سرحده ډاکټرانو (MSF) مؤسسې په مالي ملاتړ واخیستل شو او په رسمي ډول د غزني سیمه ییز روغتون ادارې ته وسپارل شو.
د یاد ماشین په فعالېدو سره به د غزني سیمه ییز روغتون د برېښنا شته ستونزې په اساسي ډول حل او د روغتیايي خدماتو د وړاندې کولو بهیر به لا اغېزمن، منظم او باکیفیته شي.
