قاري عبدالولي صدیقي د وینې مرکزي بانک له خدمتونو او بېلابېلو څانګو څخه لیدنه وکړه
د عامې روغتیا وزارت د مالي او اداري چارو مرستیال، ښاغلي قاري عبدالولي صدیقي او مل پلاوي د وینې مرکزي بانک د وړاندې کېدونکو خدمتونو له بهیر او بېلابېلو څانګو څخه لیدنه وکړه
د دې لیدنې پر مهال ښاغلي مرستیال د وینې مرکزي بانک د کارکوونکو هڅې وستایلې او د خدمتونو پر کیفیت ښه والي، مراجعینو ته د معیاري خدمتونو پر وړاندې کولو او د همغږۍ پر پیاوړتیا یې ټینګار وکړ.
دغه راز، ښاغلي مرستیال ته د وینې مرکزي بانک مسؤلینو د وړاندې کېدونکو خدمتونو، د وينې خوندي ساتلو، د وینې وېش، د ويني مشتقاتو بېلولو او همدارنګه، د تلیسمیا او هیموفیلیا ناروغانو ته د وړاندې کېدونکو خدمتونو په اړه معلومات وړاندې کړل.
