د غمرازۍ پیغام

Panah_moph

په ډېره خواشینۍ سره مو خبر ترلاسه کړ، چې د افغانستان د طبي ټولنې یو بل متخصص او کادر نن سهار په ننګرهار ولایت کې د ماین په چادونه کې په مظلومانه ډول خپل ژوند له لاسه ورکړ.

ډاکتر صدف چې د ننګرهار د حوزوي روغتون د نسایي ولادي څانګې تریني متخصصه وه په پور صداقت او لېوال تیا سره یې خپلو اړمنو خلکو ته خدمت کوؤ او په صادقانه ډول یې هڅه کولو تر څو خپلې درېدلې او کړېدلې ټولنې د خدمت جوګه واوسي په بې رحمانه ډول سره په شهادت ورسېدله.

انا الله و انا الیه راجعون

د افغانستان د اسلامي جمهوریت د عامې روغتیا وزارت رهبري، د شهید ډاکتر صدف عمجنې کورنۍ، د ننګرهار پتمنو خلکو او د هېواد طبي ټولنې ته د ډاډ ګیرنې او غمرازۍ مراتب وړاندې کوي، د دې هڅاندې، خدمتګارې ډاکترې شهادت یې نه هېرېدونکې ضایعه وګڼله او د لوی څښتن تعالی له درباره شهید ته د جنت الفردوس هیله کوي.

په درنښت

ډاکتر وحید مجروح

د عامې روغتیا وزارت سرپرست