د عامې روغتیا وزارت سرپرست د هرات ولایت حوزوي روغتون څخه لیدنه وکړه
چهارشنبه، چنګاښ ۹/۱۴۰۰
د عامې روغتیا وزارت سرپرست، ډاکتر وحید مجروح، هرات ولایت ته د خپل سفر په لړ کې د هرات ولایت له حوزوي روغتون څخه لیدنه وکړه.
د عامې روغتیا وزارت سرپرست، په دې روغتون کې د روغتیايي خدمتونو وړاندې کول له نږدې وارزول او د اړونده څانګو مسؤولینو ته یې د ننګونو د حل او روغتیایي خدمتونو وړاندې کولو د ښه والي په پار لازمې لارښوونې وکړې.
هغه همدارنګه ددغه روغتون له روغتیايي کارکوونکو سره هم وکتل او د هغوئ د ننګونو او غوښتنو په اړه یې ورسره خبرې وکړې.
ډاکترمجروح، د روغتیايي خدمتونو وړاندې کولو پر ښه والي ټینګار وکړ او د اړونده څانګو له مسؤولینو یې وغوښتل چې په دې برخه کې لا ډېرې هڅې وکړي.
دغه روغتون ۶۵۰ بستره لري او په مهمو برخو کې د هرات او ګاونډیو ولایتونو اوسېدونکو ته روغتیايي خدمتونه وړاندې کوي.
