د افغانستان ا.ا. د عامې روغتيا وزير، ښاغلي مولوي نور جلال جلالي په خپل کاري دفتر کې د افغانستان لپاره د ملي ټولنو نړيوال فدراسیون له رئیس ډاکټر حسام فيصل او مل پلاوي سره ناسته ترسره کړه
د افغانستان ا.ا. د عامې روغتيا وزير، ښاغلي مولوي نور جلال جلالي په خپل کاري دفتر کې د افغانستان لپاره د ملي ټولنو نړيوال فدراسیون له رئیس ډاکټر حسام فيصل او مل پلاوي سره ناسته ترسره کړه
په دې ناسته کې د اغېزمنې همغږۍ، د ګډو اړيکو او همکاريو رامنځته کېدو، د افغانستان روغتيايي سکتور د تمويل او واکسين خدمتونو پياوړتيا او پراختيا په اړه بحث او خبرې ترسره شوې.
د عامې روغتيا وزير وويل: موږ تل خپل همکاران هڅولي، چې د عامې روغتیا وزارت له پاليسۍ سره سم خدمات وړاندې او ورسره ښه همغږي او همکاري ولرو؛ څو روغتیايي خدمات پراخ او د خلکو ستونزې حل شي.
بل لور، د افغانستان لپاره د ملي ټولنو نړيوال فدراسیون رئیس د خپلو فعاليتونو او خدمتونو په اړه معلومات وړاندې او ويې وویل: موږ غواړو له عامې روغتیا وزارت سره ښې اړيکې، همغږي او همکاري ولرو او په دې برخه کې د وزارت پاليسۍ ته ژمن یو.
