د سمنګان ولایت د رویدواب ولسوالۍ په ۲۰ بستریز روغتون کې د سولري برېښنا سیستم پرانیستل شو
د سمنګان ولایت د یادې ولسوالۍ په ۲۰ بستریز روغتون کې د ۱۰۰ کیلو واټه په ظرفیت د سولري برېښنا سیستم د یاد ولایت د عامې روغتیا رئیس مولوي لطفالله حبیبي، د همکارو بنسټونو استازو او د سیمې د مشرانو په شتون کې پرانیستل شو.
دغه پروژه د UNDP دفتر په مالي او تخنیکي ملاتړ د ۱۵۰ زره امریکايي ډالرو په ارزښت تطبیق شوه، چې د یاد روغتون لپاره به د دوامدارې برېښنا زمینه برابره کړي.
همداراز، د سمنګان ولایت د عامې روغتیا رئیس د همکارو بنسټونو له مرستو مننه وکړه او دا پروژه یې د روغتیایي خدمتونو د ښه والي لپاره اغېزمنه وبلله او هم یې د سولري سیستم پر ساتنې او اغېزمنې استفادې ټینګار وکړ.
