د عامې روغتيا وزارت د خوړو او درملو مرستیال، ښاغلي مولوي حمدالله زاهد د افغانستان لپاره د ايران له سفير، ښاغلي علي رضا بیکدلي سره ليدنه وکړه
په دې لیدنه کې د خوړو، درملو او روغتیايي محصولاتو په برخو کې د دوه اړخیزو همکاریو د پراختیا، د روغتیايي خدمتونو د کیفیت لوړولو او د ګډو تخنیکي همکاریو د پیاوړتیا په اړه بحث او خبرې تر سره شوې.
همداراز، د درملو او روغتیايي محصولاتو د ثبت او ارزونې، د کیفیت تضمین، ظرفیت لوړونې، د مسلکي تجربو شریکولو او د روغتیايي سکتور اړوند نورو مهمو موضوعاتو په اړه هم خبرې وشوې.
دواړو لورو د متقابلو همکاریو پر پراختیا، روغتيا برخه کې د ګډو پروګرامونو پر پلي کولو او د دواړو هېوادونو ترمنځ د روغتیايي اړیکو پر لا پیاوړتیا ټینګار وکړ.
