د عامې روغتيا وزیر د غزني سیمه ییز روغتون له خدماتو څخه لیدنه وکړه
د عامې روغتيا وزیر، ښاغلي مولوي نور جلال جلالي او ورسره مل پلاوي غزني ولایت ته د سفر پرمهال د دغه ولایت له سیمه ییز روغتون څخه لیدنه وکړه
په دې لیدنه کې چې د غزني د عامې روغتيا رئیس ډاکټر محمد زرک ځیرک او یو شمېر نورو مسئولینو یې ملتیا کوله د سیمه ییز روغتون بېلابېلو برخو څخه لیدنه ترسره او د بستر ناروغانو احوال یې واخیست.
د عامې روغتیا وزیر، ښاغلي مولوي نور جلال جلالي په یاده لیدنه کې د روغتون مسئولینو او روغتیایي کارکوونکو د ستونزو او وړاندیزونو تر اورېدو وروسته د یو شمېر ستونزو د ژر حل ډاډ ورکړ او د روغتیایي خدمتونو د ښه والي په موخه یې ورته لازمې سپارښتنې ترسره کړې.
