د عامې روغتیا وزیر، ښاغلي ډاکټر قلندر عباد د پکتیکا ولایت له مشرانو سره لیدنه ترسره کړه
په دې لیدنه کې د پکتیکا ولایت مشرانو خپلې روغتیايي ستونزې د عامې روغتیا وزارت له مشرتابه سره شریکې کړې او په دغه ولایت کې د شته روغتیايي ستونزو د حل تر څنګ یې د روغتیايي مراکزو د زیاتوالي غوښتنه وکړه.
ښاغلي وزیر د پکتیکا ولایت د مشرانو، ستونزې او وړاندیزونه واورېدل او د روغتیايي ستونزو د حل ډاډ یې ورکړ.
ښاغلي وزیر همدا راز وویل، موږ په پلان کې لرو، چې د پکتیکا ولایت په ګډون د هېواد په ټولو ولسوالیو کې د ولسونو اړتیاو ته په کتو روغتیايي مراکز جوړ کړو او اوسمهال پر دغه پروګرام کار روان دی.