د کابل روغتونونو د رئیسانو دندې وارزول شوې
د عامې روغتیا وزارت نوماند وزیر ډاکټر احمد جواد عثماني، د یوې ناستې په ترڅ کې د کابل روغتونونو رئیسانو دندې/ کړنې د ویډیو کنفرانس له لارې وارزولې.
په دې لیدنه کې، ډاکټر عثماني لومړی د روغتونونو د تبدیلولو د اساسنامې جوړولو په پار چې د یو واحد او مستقل ریاست تر اثر لاندې چې ټول روغتونونه په مرکز او ولایتونو کې په ټولو برخو کې خپل بشپړ استقلالیت ولري بحث او خبرې وکړې او مسؤولینو ته یې لارښوونه وکړه چې یاد سند بهبود/ ښه والي په پار د روغتونونو مسؤولینو سره شریک کړي تر څو خپل نظریات ورکړي.
همدارنګه د عامې روغتیا نوماند وزیر په لاندې مسلو لکه: کاري چوکاټ، د افغانستان روغتونونو تحول او د دې روغتونونو مدیریت، پرمختګ په اوږد مهال، منځ مهال او لنډ مهال کې همدا ډول هغه اړتیاوې چې د عملي کار کولو اړتیا لیدل کېږي، د روغتونونو له مسؤولینو سره خبرې وکړې او په دې برخه کې د دوی د وړاندیزونو او نظرونو غوښتونکی شو.
په ورته وخت کې د کابل د روغتونونو رئیسانو د عامې روغتیا وزارت سرپرست سره د روغتونونو ننګونې شریکې کړې او د دغه وزارت له مشرتابه یې وغوښتل چې دغه ننګونې حل کړي.د عامې روغتیا وزارت نوماند وزیرمسؤولینو ته د دې ننګونو د حل لپاره لازمې لارښوونې وکړې.
