په خوست ولایت کې د خصوصي روغتیايي مرکزونو د پراخ نظارتي بهیر پیل
د عامې روغتيا وزارت د خصوصي سکتور د همغږۍ او تنظیم رئیس، الحاج ډاکتر احمد خندان تر مشرۍ لاندې ټاکل شوي هیئت په خوست ولایت کې د خصوصي روغتیايي مرکزونو څخه نظارتي بهیر پیل کړ.
وروسته ټاکل شوي هيئت د خوست ولایت په مرکز او ولسواليو کې له خصوصي روغتيايي مرکزونو څخه نظارت پیل کړ، چې موخه یې د خصوصي روغتيايي مرکزونو وضعیت معلومول، د خصوصي سکټور د خدماتو ښه والی، د اسنادو او جوازونو ارزونه او د هغو روغتيايي مرکزونو هڅول دي چې جواز نه لري؛ تر څو د قانوني مراحلو (د ۹۱۶ او ۱۰۸۴ مقررو) سره سم جوازونو ترلاسه کړي.
دغه راز ټاکل شوې هیئت د خوست ولایت د مرکز او ولسوالیو په کچه د ۳۷۹ خصوصي روغتيايي مرکزونو ارزونه وکړه، چې له ډلې یې ۱۳۱ مرکزونه بې جوازه ثابت شول او له ۱۵۵ مرکزونو څخه د یوې میاشتې په موده کې د جواز اخیستو کتبي ژمنې واخیستل شوې.
همدارنګه، د هیئت له لوري د روغتیايي مرکزونو مسؤلینو ته د مقرراتو د مراعتولو او د جواز د ترلاسه کولو اړوند لازمې سپارښتنې وشوې.
سربېره پر دې، یاد نظارت کې د سیمه ييزو مسؤلينو، د ولسوالیو په کچه روغتيايي مسؤلينو او د مرکزونو د کارکوونکو فعاله همکاري وستایل شوه او د خصوصي سکتور په روغتيايي وضعیت کې د ښه والي لپاره عمومي ژم
