په کابل کې د کندهار ماشومه له تنفسي ستونزې وژغورل شوه او روغتیايي کارکوونکي وستایل شول
د افغانستان اسلامي امارت د عامې روغتیا وزارت د مقام د دفتر لوی رئیس، شیخ محمد طاهر حلیم د کندهار څخه د راوړل شوي ماشوم د روغتیایي وضعیت څخه له نږدې لیدنه وکړه او روغتیایي کارکوونکي یې وستایل:
یاده ماشومه چې کلثوم نوم یې درلود د تنفسي سیستم په یوه برخه کې د بهرني جسم د شتون له جدي ستونزې سره مخ وه ، چې نن ورځ له کندهار ولایت څخه د الوتکې په توسط مرکز کابل ته عاجل را انتقال شوه ، د عامې روغتیا اړوند د صحت طفل روغتون روغتیايي کارکوونکو له لوري د یادې ماشومې په بریالیتوب سره پروسیجر تر سره او له تنفسي سیستم یې اجنبي بهرنی جسم راوویستل شو.
ښاغلي شیخ صیب د عامې روغتیا وزارت د رهبرۍ په استازیتوب د هغو ټولو روغتیايي کارکوونکو څخه مننه وکړه چې د دې ماشوم د ژغورنې او درملنې په بهیر کې یې ونډه اخیستې وه، د ښاغلي شیخ صیب له لوري یاد شوي روغتیایي کارکوونکي په مادي او معنوي شکل وستایل شول او روغتیایي کارکوونکو ته یې د لا زیاتې پاملرنې سپارښتنه وکړه.
