په لوګر کې د خوارځواکۍ د کمولو لپاره له AYSO سره هوکړه لیک لاسلیک شو
د عامې روغتیا وزارت له لوري لوګر ولایت کې د لنډو قدونو د شيوع او د خورځواکۍ د نورو ډولونه کمولو په موخه له Afghan Youth Services Organization-AYSO مؤسسې سره د (۳۶۸۸۷۰) درې سوه اته شپېته زره اته سوه اویا ډالرو په ارزښت هوکړه لیک لاسليک شو
دا هوکړه لیک د روغتيايي خدمتونو کيفيت لوړولو، لاسرسي زياتولو او د ولس روغتيايي ستونزو کمولو په موخه د دریو کلونو لپاره لاسليک شو، چې له مخې به یې د ۱۳ روغتيايي مرکزونو او ۵۰ روغتیايي ځالو له لارې د یاد ولایت (۱۱۹۱۶) تنه اوسېدونکي له روغتیايي خدماتو برخمن او (۱۰۸) تنو ته به روغتیايي برخه کې د کار زمینه برابره شي.
بل لور، د AYSO مؤسسې استازو هم ډاډ څرګند کړ، چې ياده پروژه به د دریو کلونو په ترڅ کې له ټولو ټاکل شويو معيارونو سره سمه پلي کړي او د خلکو روغتيايي اړتیاوو پوره کولو ته به ځانګړې پاملرنه کوي.
