د عامې روغتیا وزارت د خوړو او درملو مرستیال، ښاغلي مولوي حمدالله زاهد په خپل کاري دفتر کې له بېلابېلو هېوادونو څخه د درملو واردوونکو شرکتونو له مسؤلینو سره ليدنه وکړه
په دې لیدنه کې بازار کې د درملو بیو، د درملو پر بستهبندۍ د بیې درج کولو، د احتکار مخنیوي، د باکیفیته درملو برابرولو او عرضه کولو او په هېواد کې د اړتیا وړ درملو د تأمین په اړه بحث او خبرې وشوې.
د خوړو او درملو مرستیال د درملو د واردوونکو شرکتونو پر همکارۍ او ملاتړ ټینګار وکړ او ویې ویل، عامې روغتیا وزارت د افغانستان ا.ا د اصولو او مقرراتو په چوکاټ کې له یادو شرکتونو سره د لازمې همکارۍ او ملاتړ زمینه برابروي.
همدارنګه، د درملو د واردوونکو شرکتونو مسؤلینو خپلې ستونزې او وړاندیزونه د خوړو او درملو مرستیال سره شریک کړل، چې د نوموړي له لوري ورته د ستونزو حل او لازمې همکارۍ ډاډ ورکړل شو.
