د پالیسۍ او پلان مرستیال د کندز ولایت امام صاحب ولسوالۍ له 50 بستریز روغتون لیدنه وکړه
جمعه، سلواغه، ٢٩/١٤٠٠
د عامې روغتیا وزارت د پالیسۍ او پلان مرستیال ډاکتر محمد حسن غیاثي او ورسره مل پلاوي کندز ولایت ته د خپل سفر په لړکې د دغه ولایت د امام صاحب ولسوالۍ له 50 بستریز روغتون څخه لیدنه وکړه.
په دغه لیدنه کې د پالیسۍ او پلان مرستیال او مل پلاوي د روغتیايي خدمتونو وړاندې کول او د روغتون بېلابېلې څانګې له نږدې وارزولې.
د عامې روغتیا وزارت مشرتابه پلاوي له کتنې او موندنو وروسته روغتیایي مسؤلینو ته لارښوونه وکړه چې د روغتیايي خدمتونو د وړاندې کولو او په دغه روغتون کې د اړمنو کسانو د روغتیايي وضعیت د ښه والي په خاطر دې لا زیاته پاملرنه وکړي.
له بلې خوا، د دغه روغتون روغتیايي کارکوونکو خپل وړاندیزونه او کاري ننګونې د عامې روغتیا وزارت له مشرتابه سره شریکې کړې او د حل غوښتنه یې وکړه، چې د حل په موخه یې لازمې لارښوونې وشوې.
