د صحي خدماتو پلي کونکو مٶسساتو سره ناسته تر سره شوه
چهارشنبه، جوزا ۲۵/ ۱۴۰۱
د عامې روغتیا سرپرست وزير ډاکټر قلندر عباد د روغتیايي خدماتو پلي کونکو له استازو سره وکتل.
د عامې روغتياسرپرست وزير په دې کتنه کې وويل: د روغتيا وزارت پلاوي د ارزونو له مخې چې په زياترو ولايتونوکې ترسره شوي دي، په کار ده چې مسٶولين په دې برخه کې لا زیاته پاملرنه وکړي ترڅو اړمنو کسانو ته د اړتیا په صورت کې روغتیايي خدمات په ښه توګه وړاندې شي.
ډاکټر عباد زیاته کړه، هغه پلي کوونکي ادارې چې غواړي د صحتمندي پروژې له لارې راتلونکي قراردادونه تر لاسه کړي، باید لاندې شرایط پوره کړي، چې په هغو کې د ځینو کلینیکونو لوړول، په سپینو ساحوکې د کلینیکونو جوړول ، معیاري روغتیايي خدمتونو وړاندې کول او دېته ورته نورو مهم او اساسي شرايطو برابرولو په صورت کې کولاى شي په راتلونکو پروسو کې برخه واخلي .
