دعامې روغتیاوزارت مالي اواداري مرستيال مولوي محمداسحاق صاحبزاده غزني ولایت ته دیوه رسمي سفر په ترڅ کې روغتیايي خدمتونوله وړاندې کولو څخه څارنه وکړه
د عامې روغتیا وزارت مالي او اداري مرستيال مولوي محمد اسحاق صاحبزاده غزني ولایت ته د یوه رسمي سفر په ترڅ کې په دغه ولایت کې د روغتیايي خدمتونو له وړاندې کولو څخه څارنه او لیدنه وکړه.
د دغه سفر په ترڅ کې د عامې روغتیا وزارت مالي او اداري مرستيال د دغه ولایت د ولایتي او حوزوى روغتونونو په کچه ستونزې او ننګونې وڅېړلې او د روغتیايي خدمتونو د وړاندې کولو د ښه والي په برخه کې یې د دغو مرکزونو مسوولینو ته خپلې لارښوونې وکړې.
د دغه سفر په یوه برخه کې مولوي محمد اسحق صاحبزاده د غزني ولایت د ولایتي او حوزوى روغتونونو د مسؤلینو او ناروغانو ستونزې واورېدې او ژمنه یې وکړه چې د ستونزو د حل په اړه به عملي اقدامات وکړي.
د دغه ولايت ولايتى او حوزوى روغتون د مسلکي روغتيايي کارکوونکو په لرلو سره په عملي توګه د غزني ولايت او ګاونډيو ولايتونو خلکو ته په بېلابېلو برخو کې روغتيايي خدمتونه وړاندې کوي.
