د «اداري مراسلاتو، ملکي خدمتونو، د کارکوونکو اجرأتو، د ارزونې پروسې او د فورمونو تشریح او توضیح» تر عنوان لاندې یو ښوونیز پروګرام، چې پر نشهیي توکو د روږدو درملنې روغتون کې ۱۰ تنو کارکوونکو لپاره جوړ شوی و، پای ته ورسېد
یاد ښوونیز پروګرام د کاري ظرفیت لوړولو، د اداري نظم ښهوالي او د اداري مراسلاتو له سمو اصولو او د ملکي خدمتونو د کارکوونکو د اجرأتو د ارزونې پروسې د فورمونو د سمې ډکولو له طریقې سره د کارکوونکو د بلدتیا په موخه ترسره شوی و.
د دې پروګرام په ترڅ کې ګډونوال په عملي بڼه د اجرأتو د ارزونې پروسې له بېلابېلو پړاوونو، د اجرأتو د سنجش له معیارونو، اداري مسؤلیتونو او د رسمي مکتوبونو د سم ترتیب او لېږد له طریقو سره اشنا شول.
