د ا.ا.ا د عامې روغتیا وزارت د مالي او اداري چارو مرستیال، ښاغلي ملا بخت الرحمن شرافت او مل پلاوي پنجشیر ولایت ته د خپل سفر په ترڅ کې د دې ولایت له ایمرجنسي روغتون څخه لیدنه وکړه
د یادې لیدنې پر مهال د پنجشیر ولایت د عامې روغتیا رئیس، ډاکټر حجت الله محمدي هم شتون درلود، چې د روغتون د فعالیتونو او ننګونو په اړه یې هر اړخیز معلومات ورکړل.
د دې سفر موخه د روغتیايي خدمتونو د کیفیت معلومول، د روغتیايي پروګرامونو د تطبیق پروسې ارزونه او په روغتون کې شته ستونزو ته رسېدنه وه.
د مالي او اداري چارو مرستیال د یاد روغتون له بېلابېلو برخو څخه لیدنه وکړه، له روغتیايي کارکوونکو او مراجعینو سره یې خبرې وکړې، د هغوی نظرونه یې واورېدل او د روغتیايي خدمتونو د ښه والي، ستونزو د حل او د اړوندو ادارو ترمنځ د همغږۍ د پیاوړتیا په موخه یې اړینې لارښوونې وکړې.
