د ا.ا.ا. د عامې روغتیا وزیر، ښاغلي مولوي نور جلال جلالي او ورسره مل پلاوي کندوز ولایت ته د خپل سفر پرمهال د دې ولایت د عامې روغتیا رئيس ډاکټر محمد الله حکمت سره ناسته ترسره کړه
په دې ناسته کې چې د روغتیا وزارت د مقام دفتر لوی رئیس شیخ محمد طاهر حلیم او مل پلاوي شتون درلود، د عامې روغتیا رئیس کندز ولایت کې د روغتیایي خدمتونو اړوند معلومات وړاندې کولو سربېره د تشکیل زیاتوالي، یو شمېر سیمو کې د نویو روغتونونو جوړېدو او روغتیایي پراختیا غوښتنه وکړه.
په یاده ناسته کې د عامې روغتیا وزیر، ښاغلي مولوي نور جلال جلالي د روغتیا د رئیس غوښتنې واوریدې او د هر اړخیزې همکارۍ ډاډ یې ورکړ ، نوموړي همدارنګه د ولسونو لپاره د اسانتیاوو را منځته کولو اړوند لازمې سپارښتنې وکړې.
