د ا.ا.ا د عامې روغتیا وزیر، ښاغلي مولوي نور جلال جلالي هرات ته د خپل رسمي سفر په ترڅ کې د دغه ولایت له سیمه ییز روغتون څخه لیدنه تر سره کړه
د عامې روغتیا وزیر، د مل تخنیکي ټیم سره په ګډه د یاد روغتون له بېلا بېلو څانګو څخه لیدنه وکړه، ستونزې یې په نښه او د حل په موخه یې له اړوندو مسؤلینو او تخنیکي ټیم سره شریکې کړې ؛ ترڅو په سیمه ییز روغتون کې کیفیت او کمیت لا معیاري شي.
ښاغلي وزیر همداراز، د مل پلاوي په شتون کې د یاد ولایت د عامې روغتیا ریاست او سیمه ییز روغتون له مسؤلینو سره ناسته تر سره، د خدمتونو ښه والي په موخه یې ورته سپارښتنې وکړې، د مسؤلینو وړاندیزونه یې واورېدل او د پاملرنې ډاډ یې ورکړ.
د یادونې وړ ده، چې د هرات سیمه ییز روغتون د نږدې ۶۵۰ فعالو بسترونو په درلودلو سره بېلا بېلو تخصصي برخو کې هېوادوالو ته روغتیايي خدمات وړاندې کوي.
