د ا.ا.ا د عامې روغتیا وزیر، ښاغلي مولوي نور جلال جلالي په خپل کاري دفتر کې د افغانستان لپاره د قزاقستان له سفیر، ښاغلي ګزیز اکباسوف سره لیدنه تر سره کړه
په دې لیدنه کې زلزله ځپلو ته د روغتیايي خدمتونو د وړاندې کولو د روغتیايي کارکوونکو د ظرفیت لوړونې، سرطاني او د زړه ناروغیو برخو کې د همکاریو ، روغتیایي مراکزو ته د طبي تجهیزاتو برابرولو، او د روغتیا برخه کې د دوه اړخیزو همکاریو اړوند بحث او خبرې تر سره شوې
د عامې روغتیا وزیر، ښاغلي مولوي نور جلال جلالي د روغتیا برخه کې د دواړو هېوادونو ترمنځ همکاري اړینه وبلله او ویې ویل: (دا چې د هېواد په ختیځ کې د زلزلو له کبله خلکو ته په زیاته کچه زیانونه رسېدلي؛ نو په همدې موخه زلزله ځپلو ټپیانو ته باید لا په ښه توګه روغتیايي خدمتونه وړاندې شي)
ښاغلي وزیر همداراز، له یاد هېواد څخه د زړه ناروغیو ، سرطاني ناروغیو ، راډیولوژي خدماتو او عصبي جراحي برخو کې د ظرفیت لوړونې او تجاربو شریکولو غوښتنه وکړه او زیاته یې کړه، قزاقستان په تېر کې هم د روغتیا برخه کې همکاري کړې او اوس هم تمه لرو ؛ چې په یادو برخو کې به خپلې تجربې او همکاري ترسره کوي.
بل لور د قزاقستان سفیر وویل: افغانستان زموږ دوست هېواد دی او هڅه کوو بېلا بېلو برخو کې افغان روغتیايي کارکوونکو ته د روزنې زمینه برابره او روغتیا برخه کې ورسره دوامداره همکاري وکړو، نوموړي همدا راز ،د یو شل کسیز جراحي تخنیکي ټیم د ژر راتګ وویل څو زلزله ځپلو ټپیانو ته وړیا جراحي عملیاتونه ترسره کړي
