د روږدو کسانو د درملنې ملي برنامې رییس د ځوانانو ۱۰۰ بستریز روغتون څخه لیدنه تر سره کړه
د عامې روغتیا وزارت د روږدو کسانو د درملنې ملي برنامې رییس مولوي حافظ انعام الله عمار او ورسره مل پلاوي د ځوانانو ۱۰۰ بستریز روغتون څخه د شپې ناوخته لیدنه وکړه.
نوموړي پلاوي د یادې لیدنې په ترڅ کې د روغتون ټولې برخې له نژدې ولیدې، اړونده برخو کې یې نیمګړتیاوې معلومې، کارکوونکو ته یې د حل لارښوونه وکړه او د یو شمېر ستونزو د حل په برخه کې یې د همکارۍ ډاډ ورکولو تر څنګ ناروغانو ته د رواني او ټولنیز تدریس په ښه توګه مخ ته وړلو ټینګار وکړ.
