د عامې روغتیا وزارت د اجرائیوي بورډ اووم پړاو ناسته ترسره شوه
د عامې روغتیا وزارت د اجراییوي بورډ اووم پړاو ناسته د پالیسۍ او پلان جوړونې، مالي او اداري د روغتیایي خدمتونو وړاندې کولو مرستیالانو او د دې وزارت رئیسانو په شتون کې سهیلا صدیق تالار کې ترسره شوه.
په دې ناسته کې، د تېرې ناستې د پرمختګ او نورو موضوعاتو په تړاو له اړوندو مسؤلینو سره بحث او د نظرونو تبادله وشوه او په دې برخه کې روغتیایي مسؤلینو لخوا ډېر معلومات ورکړل شول.
سربېره پردې، په دې ناسته کې د روغتیا پایلو د اووم کنفرانس په لاره اچولو چمتوالي، پر ټاکلي وخت سره د روغتیايي کار کونکو د معاشونو تادیه کول، د نظارت او ارزیابي سیسټم ته وده ورکول، د ادارو ترمینځ لا ډېره همغږۍ او د هغه اساسي واحدونو د مدغم اړتیا چې د اساسي جوړښت خواته روان دي له ګډونوالو سره خبرې او دې برخه کې لازمې پرېکړې وشوې.
همدارنګه برخه اخیستونکو د یاد شویو مسلو د لا ښه والي لپاره خپل نظریات او وړاندیزونه وړاندې کړل او په دې برخه کې یې د عامې روغتیا وزارت له مشرتابه سره د لا زیاتو همکاریو ژمنه وکړه.
