د عامې روغتیا وزارت د سترګو ناروغیو درملنې ګرځنده روغتیايي ټیمونو خبرتیا!
د هېواد په لرو پرتو سیمو کې د ړوندوالي کچې د راټیټولو په موخه د عامې روغتیا وزارت د سترګو د روغتیا ساتنې ګرځنده روغتیايي ټیمونه بې وزله خلکو ته په وړیا توګه د سترګو برخه کې روغتیايي خدمات وړاندې کوي، چې دا پروژه د افغانستان اسلامي امارت د پراختیايي بودیجې له لارې تمویلیږي.
په همدې اساس دغه اداره غواړي، چې د ٠٥/٢٥/ ۱۴۰۴ نېټې څخه تر ۰۶/ ۰۶/ ۱۴۰۴ نېټې پورې خپل ګرځنده روغتیايي ټیمونه چې په اړینو طبي وسایلو او درملو سمبال دي، غزني ولایت ته واستوي؛ ترڅو لاندې روغتیايي خدمات ترسره کړي.
• ۲۰۰ تنو ته د سترګو د کترکت پردې عملیاتونه
• ۴۵۰ عدده د نږدې لید عینکو ویش
• د ځینو سراپا ناروغانو، چې شمېر یې له ۴۰۰۰ څخه تر ۵۰۰۰ تنو رسېږي، درملنه او د درملو په برخه کې ورته اړینې لارښوونې ترسره کول.
نو له همدې امله هغه هېوادوال، چې په غزني ولایت کې ژوند کوي او د سترګو په روغتیايي ستونزو اخته دي خبر ورکول کېږي، چې په ذکر شوې نېټې مراجعه وکړي؛ ترڅو د ګرځنده روغتیايي ټیمونو له لوري ورته په وړیا توګه روغتیايي خدمات وړاندې او درملنه یې وشي.
