د عامې روغتیا وزارت د مالي او اداري چارو مرستیال، ښاغلي قاري عبدالولي صدیقي په مشرۍ د تدارکاتو ریاست مسؤلینو د خصوصي شرکتونو له استازو سره غونډه ترسره کړه
په دې غونډه کې چې د عامې روغتیا وزارت د مالي او اداري چارو مرستیال ښاغلي قاري عبدالولي صدیقي، د تدرکاتو ریاست مسؤلینو او د خصوصي شرکتونو استازو (داوطلبانو) ګډون کړی ؤ، په کې د عقودو نوي قانون له مخې د پروژو د بیا پیل او ورکړې په اړه خبرې ترسره شوې.
د عامې روغتیا وزارت د مالي او اداري چارو مرستیال، ښاغلي قاري عبدالولي صدیقي د پروژو پر غوره مدیریت او شفافیت ټینګار وکړ او زیاته یې کړه، چې دا پروژې د ازادې دواطلبۍ له لارې شرکتونو ته ورکول کېږي او له هر ډول تقلب او فساد څخه خوندي دي.
دغه راز، ښاغلي مرستیال له دواطلبانو څخه وغوښتل، چې د پروژو اخیستلو او پر مخ وړلو برخه کې باید د شفافیت اصل، کیفیت او معیارونو ته ځانګړې پاملرنه وکړي او هم عدالت په پام کې ونیسي.
په یاده غونډې کې د عامې روغتیا وزارت د تدارکاتو رئیس، استاد زبیر غالب او یو شمېر نورو مسؤلینو د عقودو نوي قانون مطابق چارې تشریح او ټولو داوطلبانو ته یې د بشپړ شفافیت ډاډ ورکړ.
د یادونې وړ ده، چې د عامې روغتیا وزارت اړوند د اجناسو او ۳۱۸ GH روغتونونو ساختماني پروژې بیا پیل شوي، چې یوولس پروژې به نن اعلان ته وسپارل شي.
