د عامې روغتیا وزارت د مالي او اداري چارو مرستیال د مرکزي زیرمتون له مسؤلینو سره ناسته وکړه
د ا.ا.ا د عامې روغتیا وزارت د مالي او اداري چارو مرستیال، ښاغلي ملا بخت الرحمن شرافت له مل پلاوي سره په ګډه د عامې روغتیا وزارت د مرکزي زیرمتون له مسؤلینو او کارکوونکو سره ناسته ترسره کړه.
په یاده ناسته کې د مالي او اداري چارو مرستیال، د مرکزي زیرمتون د مسؤلینو غوښتنې واورېدې او د رسېدنې ډاډ یې ورکړ او د دې تر څنګ د زیرمتون د ښه مدیریت په موخه اړوندو مسؤلینو ته لازمې سپارښتنې وکړې، تر څو د بیت المال او منابعو د ضایع کېدو څخه مخنیوی وشي.
د یادونې وړ ده، چې د عامې روغتیا وزارت د منابعو د ښه مدیریت لپاره په دا وروستیو کې د زیرمتون ټولې برخې ډیجیټل کړي او لا هم پرې کار روان دی؛ تر څو په چارو کې اسانتیاوې رامنځته او د منابعو مدیریت په سمه توګه ترسره شي.
