د عامې روغتیا وزارت سرپرست د سویلي آسیا حوزې د یونیسف ادارې دفتر له مشر سره وکتل
د عامې روغتیا سرپرست وزیر ډاکټر وحید مجروح، نن د یونیسف سویلي آسیا د دفتر له مشر او مل پلاوي سره د خپل کار په دفتر کې لیدنه او خبرې وکړې.
په دې لیدنه کې، دواړو لوریو د پولیو واکسین پلي کولو برنامې د پیاوړي کولو څرنګوالی، د روغتیا سکټور کې اصلاحات، له سرچینو څخه سمه استفاده او
په کاري چاروکې روڼتیا، په ځانګړي توګه هغه برنامې چې د یونیسف ادارې لخوا په افغانستان کې ملاتړ کېږي او په یونیسف اداره کې د نړیوالو کار کونکو په توګه د د افغان متخصصیون ګمارلو په اړه یې د نظرونو تبادله وکړه.
د عامې روغتیا وزارت سرپرست د ګوزڼ ویروس له منځه وړل د عامې روغتیا وزارت یو له لومړیتوبونو څخه وباله او د یونیسف ادارې څخه یې د ګوزڼ واکسین د پلي کولو پروګرام پیاوړتیا، حساب ورکونې او روڼتیا برخه کې د لا ډېرو همکاریو غوښتنه وکړه.
همدارنګه د یونیسف د سیمه ییز پروګرام رییس ښاغلي جورج لاریي ادجي په افغانستان کې د ګوزڼ له منځه وړل مهم وبلل او په یادو برخو کې یې په هېواد کې په لازیاتو همکاریو باندې ټینګار وکړ.
