د عامې روغتیا وزیر، ښاغلي مولوي نور جلال جلالي په مشرۍ د روغتیا ملي ستراتیژۍ د ستراتیژیک (تطبیقي) پلان په اړه ناسته ترسره شوه
دغه ناسته، چې د عامې روغتیا وزارت د قدرمنو مرستیالانو، مرکزي رئیسانو او تخنیکي مشاورینو په حضور کې ترسره شوه، په ترڅ کې یې د عامې روغتیا وزارت د ستراتیژۍ د تطبیقي پلان او روغتیا ملي ستراتیژۍ په اړه بېلابېل اړین معلومات او موضوعات د پرېزنټېشن له لارې وړاندې شول.
د ناستې ګډونوالو د ستراتيژۍ، تطبيقي پلان، ستونزو او خنډونو په اړه خپل ارزښتناک نظرونه او وړانديزونه شريک او د ستراتيژۍ په نهايي کېدو یې خوښي وښوده، چې تر ارزونې وروسته به تأييد او توشيح شي.
