د عامې روغتیا وزیر په آسیا کې د ملګرو ملتونو د پراختیايي پروګرام له رییس سره وکتل
د هېواد د عامې روغتیا وزیر ډاکټر احمد جواد عثماني؛ نن له لیرې لارې په آسیا کې د ملګرو ملتونو د پراختیايي پروګرام له رییس آغلي کاني وایګناراجا او په افغانستان کې د ملګرو ملتونو د پراختیایي پروګرام له استازي عبدالله الدردي سره وکتل.
په دې ناسته کې د عامې روغتیا وزیر د ښاغلي وینګاراجا سره د روغتیایي سکتور ستونزې او اړتیاوې شریکې کړې او د کورونا واکسین، تخنیکي، لوژستیکي، سرویلانس، په کورونا ویروس اخته ناروغانو موندل، د کورونا ویروس پېښو موندلو ټیمونو د روزنې برخې کې او د کورونا ویروس سره د مبارزې سربېره نورو اړینو برخو کې د ملاتړ غوښتنه وکړه.
ښاغلي کاني وینګاراجا د افغانستان د روغتیا سکتور سره د دې سازمان لخوا په ډېرې همکارۍ ټینګار وکړ او زیاته یې کړه چې دغه سازمان چمتو دی چې په یاد شویو برخو کې د افغانستان روغتیا سکتور سره همکاري وکړي.
